InicioEconomíaA vocación gandeira do Concello de Sarria

A vocación gandeira do Concello de Sarria

O Concello de Sarria é o concello da provincia que máis cartos recibe das axudas da PAC, 4.599.279,82 euros, seguido da Pastoriza con 4.214.271,66 euros.

Publicado o

- Advertisement -

A Consellería do Medio Rural destinou o pasado ano 103 millóns de euros ás axudas para explotacións agrarias suxeitas ao Sistema integrado de xestión e control no marco da Política Agraria Común (PAC). Estas axudas beneficiaron a máis de  11.000 gandeiros da provincia, o que supón un incremento do 12% con respecto aos pagos cuantificados no 2017.

O delegado territorial da Xunta en Lugo, José Manuel Balseiro, considera que estes datos poñen de manifesto a relevancia destas achegas para fomentar a competitividade do sector agrogandeiro lucense “tanto polo número de beneficiarios como polo importe concedido”. Proba do volume e importancia das axudas da PAC en Lugo, engadiu, “é que en 20 municipios da provincia a suma destas axudas supera o orzamento municipal total, nalgún caso mesmo o duplican con creces”.

Datos Pagos PAC / Delegación Territorial

Agora mesmo está aberta, ata o 30 de abril, unha nova convocatoria para que os gandeiros soliciten os pagamentos da PAC correspondentes ao ano 2019. En canto aos pagos do 2018, Balseiro destacou “que entre os  meses de novembro e decembro do ano pasado a Xunta xa tiña abonados os ingresos correspondentes ao 95% dos expedientes, e iso a pesar de que o prazo de pago non remata ata o 30 de xuño”.

En canto aos datos da última campaña, o importe principal corresponde ás axudas directas, que sumaron 83,1 millóns de euros e inclúen o denominado pago básico, o pago verde, axudas vinculadas a cultivos para alimentación animal ou á produción de legumes de calidade, ás explotacións que manteñan vacas nutrices, vacún de cebo ou vacún de leite, así como ovino e caprino, e aos agricultores que inicien a súa actividade con menos de 40 anos.

Concedéronse axudas ás explotacións situadas en zonas con limitacións naturais, por unha contía global de máis de 9,5 millóns de euros. En terceiro lugar figuran as axudas agroambientais, por valor de  8,9 millóns de euros, para primar aos agricultores que aplican prácticas beneficiosas para o clima ou o medio ambiente. E por último, os pagos para a produción ecolóxica chegaron aos 1,4 millóns de euros na provincia de Lugo.

Datos Pagos PAC / Delegación Territorial

Por comarcas,  a Terra Chá e Meira asumen 28,5 millóns de euros,  o  27% do total; a suma das áreas de Lugo, A Ulloa e a Montaña alcanza os 33 millóns de euros, o 32% do total; a comarca de Sarria recibe 18 millóns de euros, o 17% do total; a zona sur da provincia –Lemos, Chantada e Quiroga– suma 14,6 millóns de euros, o 14% do total; e finalmente a comarca da Mariña lucense rexistra 8 millóns de euros en axudas da PAC, o 7,8% do total.

Os cinco concellos da provincia que maior contía da PAC reciben son os de Sarria (5,3 millóns de euros), A Pastoriza (4,6 millóns), Paradela (4 millóns), Friol (3,8 millóns), e Guitiriz (3,7 millóns), os datos reflexan a vocación gandeira destes concellos.

ÚLTIMAS

A Deputación esixe á Xunta o remate urxente da estrada de Folgoso do Courel derrubada hai dous anos

A Deputación de Lugo esixe á Xunta de Galicia medidas urxentes para axilizar e...

O Club Quixós participa estes días na 2ª Copa de España de Eslálom Olímpico

O Club de Piragüismo Quixós, de Monforte, chegou con dez deportistas a terras catalás...

O IES Daviña Rey e o CEIP Plurilingüe Monte Baliño contarán con Clubs de Lectura nas Bibliotecas

Un total de 431 centros escolares, 53 deles de nova incorporación como serán o...

Axudas para a reestruturación e reconversión das viñas

No DOGA do 26 de marzo publicouse a Orde da Consellería do Medio Rural...