A Central Sindical Independente e de Funcionarios (CSIF) presentou un escrito ante o Concello de Quiroga no que denuncia o incumprimento reiterado das obrigacións legais en materia de negociación colectiva e solicita que se convoque a Mesa Xeral de Negociación antes de adoptar decisións que afecten ás condicións de traballo do persoal municipal. A este respecto denuncian que se aprobara a Oferta de Emprego Público sen ser negociada previamente.
Para CSIF Lugo, non se trata dunha situación puntual, senón dunha práctica que se vén repetindo e que impide á representación sindical participar de forma efectiva en decisións que afectan directamente o persoal do Concello.
O sindicato reclama ao Concello de Quiroga que convoque a Mesa Xeral de Negociación con carácter previo á aprobación dos orzamentos nas materias que legalmente deban negociarse, o Persoal de Persoal, a Relación de Postos de Traballo, a Oferta de Emprego Público e solicita que a documentación necesaria se facilite con suficiente antelación. O sindicato solicita resposta ao escrito presentado e advirte de que, se esta situación continúa, estudará as accións administrativas e xudiciais que resulten procedentes.
