O delegado da Xunta de Galicia en Lugo, José Manuel Balseiro, está convencido de que a Ribeira Sacra será declarada Patrimonio da Humanidade pola UNESCO en 2021. Así8, en declaracións aos medios Balseiro destacou que “hai un traballo feito, coa colaboración institucional entre distintas administracións”.
Ademais, destacou que o Goberno galego ten “a esperanza de que en 2021 poida ser declarada Patrimonio da Humanidade”. “Agora mesmo, a Ribeira Sacra é Ben de Interese Cultural (BIC) e tamén é candidata a ser declarada Reserva da Biosfera pola UNESCO”, pormenorizou.
Balseiro destacou, así mesmo, que esta zona “é unha das comarcas de Galicia que máis está a crecer” en termos turísticos. Ademais, atópase noutra área recoñecida pola UNESCO, “o eoparque das localidades que integran Ribas do Sil, O Courel e Quiroga”, que é o primeiro da Comunidade e é o único en todo o noroeste español. “Nos próximos anos a zona vai ter moito movemento, vai ter moita riqueza”, apuntou o delegado da Xunta.