Os arrois de Zapardiel, Malloadas, Río Seco e Ribasaltas, á altura da área recreativa, necesitan unha limpeza urxente

Julia Rodríguez, voceira do PP de Monforte, mantivo unha reunión con Francisco Marín, presidente da Conferederación Hidrográfica Miño-Sil onde lle solicitou a limpeza dos arroios da cidade do Cabe pois segundo os populares, “é unha intervención moi necesaria posto que este ano foi moi chuvioso e con varios asolagamentos”. Neste sentido, tamén agradecen a boa disposición que o presidente da Confederación amosa sempre coas reivindicacións que se lle trasladan, polo que agarda que estes traballos poidan ser acometidos o antes posible. Valora tamén as actuacións que a CHMS desenvolve de xeito constante na cidade e lamente a falta de compromiso do rexedor cos arroios da cidade.