HomeMedio ambiente e PatrimonioA comarca de Quiroga une forzas para a declaración do Xeoparque Mundial...

A comarca de Quiroga une forzas para a declaración do Xeoparque Mundial da Unesco Montañas do Courel

Os concellos de Quiroga, Ribas de Sil e Folgoso do Courel, integrados na Asociación para a promoción territorial Montañas do Courel, veñen de asinar un convenio coa Deputación de Lugo para a posta en marcha, durante un ano, de actividades informativas e divulgativas deste territorio.

Publicado o

- Advertisement -

As montañas do Courel son sinónimo en Galicia de natureza e cultura tradicional dun xeito adaptado ó medio e volcado na súa defensa e aproveitamento sostible.

Este territorio do Courel é o escaparate perfecto para observar unha parte da historia xeolóxica do planeta, concretamente o Paleozoico inferior e medio, e en menor medida, tamén os finais do terciario e cuaternario.

Por todo isto nace o Proxecto Xeoparque Mundial da Unesco, Montañas do Courel. Un xeoparque é un territorio que contén tanto patrimonio xeolóxico singular como unha estratexia de desenvolvemento propia. Conta cuns límites claramente definidos e unha superficie suficiente para que poda levar a cabo un desenvolvemento económico propio. Neles, é tan importante a calidade de vida dos seus habitantes como a súa riqueza xeolóxica.

Con relación a esta declaración, os Concellos de Quiroga, Ribas de Sil e Folgoso do Courel, integrados na Asociación para a promoción territorial Montañas do Courel, veñen de asinar un convenio coa Deputación de Lugo para a posta en marcha, durante un ano, de actividades informativas e divulgativas deste territorio, e así acadar a tan desexada declaración de Xeoparque Mundial da UNESCO no vindeiro ano 2019.

Os 25.000 euros acordados na rúbrica do convenio veñen a sufragar os gastos do proxecto de promoción e difusión da candidatura que contempla, entre outros traballos, a sinalización, a creación de novas rutas turísticas na contorna, a organización de xornadas de estudo do propio territorio e a elaboración dunha guía turística. A cambio, a Asociación comprométese a realizar accións informativas para incluír á cidadanía dos tres concellos implicados no acordo co obxectivo de sumar entre todos para acadar a finalidade acordada.

 

ÚLTIMAS

Premios da XXVIII Cata do Viños da Ribeira Sacra

Este venres pola tarde levouse a cabo a entrega de galardóns da XXVIII Edición...

Máis fondos para mantemento de camiños rurais reclama o PP de Monforte

Os camiños rurais, explican desde o PP; son esenciais para vertebrar e conectar núcleos...

Fin de semana de festas patronais en Oural

A Xunta de Galicia colabora coas festas patronais de Oural, en Sarria, que se...

Carrilanas e xogos tradicionais en Folgoso do Courel

Un ano máis, o Concello de Folgoso do Courel dedícalle unha xornada ás tradicións...