InicioMedio ambiente e PatrimonioO Camiño de Inverno tería unha igrexa pre-románica en Rozavales

O Camiño de Inverno tería unha igrexa pre-románica en Rozavales

A asociación de veciños de Vilachá de Salvadur informou ao Concello de Monforte de Lemos, do valor patrimonial da igrexa de Rozavales e a súa necesaria posta en valor. A asociación agradece a atención e a boa recepción por parte da tenente de alcalde quen se amosou interesada no Camiño de Inverno e a igrexa de Rozavales, de onde ela é orixinaria.

Publicado o

POR
Redacción
- Advertisement -

A especialista en arte románico, Carolina Casal, visitou en días pasados a igrexa de Rozavales (Monforte de Lemos), por convite da Asociación de Veciños/as de Vilachá de Salvadur. Tras contemplar o interior do templo, cunha planta en cruz grega, Carolina Casal atopou indicios para crer que se trata dunha igrexa prerrománica. Á espera dun estudo máis pormenorizado, Carolina Casal destaca a xanela do altar, con feitura prerrománica, e o propio paramento da igrexa como outro elemento identificativo. 

No interior da igrexa consérvanse tres grandes arcos, saídos dende o chan, de distinta datación (XVI-XVIII), que resultan chamativos polo infrecuentes que son, xa que os arcos saen directamente do chan cando o habitual é que estean soportados sobre columnas.

O redescubrimento da igrexa de Rozavales produciuse durante o proceso de compilación de datos e redacción do informe que a Asociación de Vilachá fixo sobre o Camiño de Inverno e presentou ante a Xunta de Galicia. Os seus membros, que subliñan a importancia deste topónimo de orixe xacobea como así o demostrou Gonzalo Navaza (especialista na materia), informaron sobre a urxencia de protexer este patrimonio e promover a súa divulgación como parte da riqueza cultural e histórica do Camiño de Inverno.

ÚLTIMAS

Sober pon en marcha o proxecto ‘O SAF actívate’

O Concello de Sober pon en marcha o proxecto ‘O SAF actívate’ co que...

Bóveda sementa a igualdade nos equipos locais de fútbol

O Goberno local de Bóveda prosegue coa campaña ‘Sementando igualdade’, que esta vez chegará...

Reestablécese o subministro de auga nas parroquias de Monforte

A avaría, que tivo lugar o pasado día 26 de febreiro, provocou unha falta...

O PP de Monforte acusa a Tomé “de tapar os problemas de abastecemento con bombas de fume como a supresión dos pasos a nivel”

A voceira do PP de Monforte, Katy Varela, tras ver como que as parroquias...