HomeMedio ambiente e Patrimonio1,5 millóns de euros para revalorizar o patrimonio cultural dos concellos ourensáns...

1,5 millóns de euros para revalorizar o patrimonio cultural dos concellos ourensáns da Ribeira Sacra

A Xunta de Galicia está destinando máis de 1,5M€ para poñer en valor bens patrimoniais dos concellos de Ourense incluídos na paisaxe cultural da Ribeira Sacra.

Publicado o

POR
Redacción
- Advertisement -

O Goberno galego está levando a cabo obras de rehabilitación por un importe de preto de 165.000 euros no mosteiro de Xunqueira de Espadanedo. O Conselleiro de Cultura, Román Rodríguez, vén de visitar as obras e salientou que se trata dunha actuación que permite dar un importante paso na posta en valor da paisaxe da Ribeira Sacra, que encara a recta final para ser declarada Patrimonio da Humanidade pola Unesco. 

Durante a súa visita, Román Rodríguez, subliñou o compromiso da Administración autonómica coa conservación do patrimonio cultural e artístico de toda Galicia, e en particular co da Ribeira Sacra. Neste sentido avanzou que o Goberno galego ten xa comprometidos máis de 600.000€ para seguir actuando nos concellos ourensáns ata 2022.

O proxecto que está en marcha conta cunha achega por parte do Goberno galego de preto de 165.000 euros e está cofinanciado con fondos FEDER. A actuación permitirá solucionar os problemas de humidade e resolver as carencias de conservación vinculadas fundamentalmente á entrada de auga revisando algunhas das solucións construtivas que se incorporaron recentemente. Ademais, os traballos inclúen, entre outras cousas, diferentes actuacións no acabado das escaleiras da zona porticada da oficina de turismo e tamén na súa fachada norte.

Unha decena de actuacións

Estas actuacións enmárcanse no compromiso do Goberno autonómico por avanzar na posta en valor do patrimonio cultural galego. Neste caso, actúase sobre un ben que forma parte do extenso patrimonio da Ribeira Sacra e ao que a Xunta dedica importantes esforzos nos últimos anos. Así, no caso da provincia de Ourense levaronse a cabo preto dunha decena de actuacións de mantemento e restauración e bens como o de Santo Estevo de Ribas de Sil, o mosteiro de Santa María de Montederramo, a igrexa de Santa Cristina de Ribas de Sil ou a igrexa de San Pedro de Rocas.

Ademais, este compromiso verase reforzado nos orzamentos do vindeiro ano, nos que a Xunta de Galicia intensifica o seu compromiso co patrimonio artístico e cultural cun incremento do 19%. No caso concreto da Ribeira Sacra prevese investir neste exercicio, o ano da súa posible declaración pola Unesco, máis de 1,5M€. 

ÚLTIMAS

27 de xuño de Portas Abertas no servizo de atención temperá de Quiroga

Dende o Servizo de Atención Temperá tiveron a iniciativa de reunir a todos/as os...

Monforte acolle o Campus Internacional Ucraíno de Verán de Ximnasia Rítmica do 24 ó 28 de xuño

O programa de contidos do Campus contará con sesións de aprendizaxe, masterclass internacional e...

“Nin un só día sen médico e unha lei de alta montaña”, pide Courel Vivo ao pleno

O concello do Incio está situado nunha zona de montaña cunhas intensas características orográficas...

O Colectivo Vermut ‘ao rescate’ do San Xoán dos Chaos, en Monforte

Moitas celebracións populares van a menos, e incluso pérdense, por falta de relevo xeracional....