InicioMedio ambiente e PatrimonioBóveda no proxecto "Hola Pueblo"

Bóveda no proxecto “Hola Pueblo”

O Concello de Bóveda formará parte da II edición do proxecto ‘Hola Pueblo’ que promoven Red Eléctrica España, Correos e AlmaNatura. ‘Hola Pueblo’ é un proxecto que pretende impulsar a repoboación nas áreas rurais facilitando o contacto de persoas que desexan facer realidade o seu proxecto de emprendemento no medio rural con pobos na procura de novos habitantes.

Publicado o

POR
Redacción
- Advertisement -

Un proxecto que dá resposta directa a algúns dos Obxectivos de Desenvolvemento Sostible (ODS), a través da fixación de novos emprendedores no medio rural, o fomento do desenvolvemento de negocios sostibles co medio ambiente, a xeración de impacto positivo nas comunidades rurais e a reactivación da actividade económica do territorio. 

A filosofía do proxecto é a de aproveitar a tendencia que se está dando do aumento de persoas interesadas por realizar un cambio de vida cara o rural, atraídos por unha vida máis saudable e sostible co medio ambiente

Coa participación do Concello de Bóveda no proxecto ‘Hola Pueblo’, o GDR Ribeira Sacra-Courel, cuxa sede está neste municipio, ve unha oportunidade para a prospección na busca de novas fórmulas que axuden a reverter os problemas do rural ca atracción de novos emprendedores ao territorio. Unha liña de traballo na que o GDR vai desenvolver  diferentes accións ao longo de 2021.

Funcionamento

Os concellos son os encargados de detectar as áreas de oportunidade de emprendemento, así como os recursos cos que contan. É unha maneira máis de promocionar o municipio a través do proxecto, xa que contan coa posibilidade de recibir novas empresas xestionadas polos novos poboadores. 

O Concello de Bóveda presentou entre os seus atractivos dispor de servizos como farmacia, colexio no propio municipio, e centro de saúde; a existencias de vivendas para alugar ou mercar e dispoñibilidade de persoal técnico de apoio e información para novos/as emprendedores/as. A maiores, o Concello pertence á Ribeira Sacra, que podería ser declarada Patrimonio Mundial e é porta de entrada ao Xeoparque Mundial da Unesco, o que reforza as súas posibilidades.

Está dotado de fibra óptica, hai parcelas do polígono a disposición e é unha zona con canle de regadío Val de Lemos. Dispón ademais de boas comunicacións sendo maior a posibilidade de desenvolvemento no sector agrogandeiro.

ÚLTIMAS

Axudas para a reestruturación e reconversión das viñas

No DOGA do 26 de marzo publicouse a Orde da Consellería do Medio Rural...

6 empresas locais constrúen novas naves no Polígono dos Acivros, en Chantada

O alcalde de Chantada, Manuel Lorenzo Varela, vén de visitar o Polígono dos Acivros...

A Deputación urxe á Xunta a acometer o desdobramento da totalidade do corredor Nadela-Monforte

O Presidente da Deputación de Lugo, José Tomé Roca, evidenciou a necesidade de completar...

A Xunta reactiva as notificacións para queimas agrícolas

A Xunta de Galicia decidiu volver activar os permisos para queimas agrícolas de particulares....