InicioMedio ambiente e PatrimonioNovo camión do lixo e punto limpo móbil para Ribas de Sil

Novo camión do lixo e punto limpo móbil para Ribas de Sil

O novo vehículo chega este venres e a licitación para adquirir outro camión dotado de punto móbil iniciarase en breve, segundo indican dende o equipo de goberno municipal.

Publicado o

POR
Redacción
- Advertisement -

Este venres 7 de maio ás 12:00 da mañá está prevista a chegada a San Clodio do novo camión de lixo que ademais servirá de escaparate para facer promoción do Xeoparque Montañas do Courel.

Os escolares do colexio da capitalidade de Ribas de Sil participarán na recepción do vehículo, pero antes, ás 11:00 h., recibirán uns libriños dos bolechas e unha charla a cargo de técnicos de Sogama para fomentar nos nenos a reciclaxe.

Camión do lixo de Ribas de Sil. Foto: Concello

Xa pola tarde está prevista a entrega de 50 contedores de compost para outros tantos veciños que se interesaron por esta iniciativa de cara a aproveitar os restos orgánicos para facer compost. Recibirán unha formación este mesmo venres ás 16:00 h.

PUNTO LIMPO MÓBIL

O equipo de goberno informou tamén que proximamente se iniciará a licitación para a adquisición dun camión dotado de “minipunto limpo móbil”.

Consistirá nunha caixa con varios departamentos para ir deixando polas aldeas do concello nas que non se pode facer a recollida selectiva. Deste xeito os veciños e veciñas poderán depositar os cartóns, vidros, plásticos, lámpadas, aceite, roupa, pequenos electrodomésticos e pilas, nas mesmas condicións que calquera veciño do núcleo urbano.

Este camión tamén servirá para facer a recollida de lixo non convencional que o concello realiza de xeito gratuíto todos os primeiros luns de cada mes.

O camión sairá a licitación por un importe de 50.000 euros, contando para o seu financiamento cunha axuda de 40.000 euros por parte da Xunta de Galicia.

CAMPAÑA DE CONCIENCIACIÓN

Seguindo con esta campaña de atención e coidado do medio ambiente que leva a cabo o Concello de Ribas de Sil, dedicarán tamén parte da mesma á concienciación para a reciclaxe.

Comezarán o sábado e consistirá en visitas personalizadas a cargo dunha persoa que durante todo o mes repartirá folletos porta a porta, xunto cunha carta asinada polo Alcalde e o Concelleiro de Medio Ambiente.

O obxectivo final desta acción é tentar facerlle ver aos veciños e veciñas a importancia de reciclar o lixo. Un exercicio de civismo ecolóxico que se traduce no coidado do medio ambiente e nun aforro económico para as arcas municipais.

ÚLTIMAS

Fin de semana de Fam Trip na Ruta do Viño da Ribeira Sacra

A Ruta do Viño da Ribeira Sacra celebra do 24 ao 26 de maio...

O alcalde de Bóveda na creacion da Comisión de Políticas de Auga, Medio Ambiente e Economía Circular

O alcalde de Bóveda, José Manuel Arias, participou recentemente en Madrid na reunión da...

Fotografías gañadoras do Certame ‘Fotoxénica Mente VII’ da Asoc. Albores

Xa se coñecer os gañadores e a gañadora do Certame de Fotografía "Fotoxénica Mente"...

Estudantes de Monforte e Vigo álzanse con tres premios da competición educativa Young Business Talents

Dous equipos de alumnado do IES San Tomé de Freixeiro (Vigo) e un grupo...