A arquitectura de Bustelo de Fisteus, na que destacan as edificacións de pedra, con columnas redondeadas e palenques (especie de corredores cerrados que unían dúas edificacións por encima das rúas), a súa situación xeográfica, enmarcada entre unha alvariza totalmente rehabilitada e o miradoiro dende o que se contempla todo o val do río Quiroga; fan que este lugar poida chegar a ser “un punto turístico referente no Xeoparque Montañas do Courel”.

O alcalde de Quiroga, Julio Álvarez, agarda que tras esta declaración como aldea modelo por parte da Xunta, coa que se van recuperar 14,15 hectáreas de terreo, o núcleo enteiro poida poñerse en valor, e que Bustelo de Fisteus non só recupere os seus terreos de cultivo, se non que poida recuperar as súas vivendas e ter un futuro prometedor.