InicioMedio ambiente e PatrimonioSegredos de Pantón traballa nun censo de "árbores senlleiras" do concello

Segredos de Pantón traballa nun censo de “árbores senlleiras” do concello

Trátase dun proxecto colaborativo para confeccionar un catálogo de interese para veciñas e veciños e tamén para visitantes e turistas.

Publicado o

POR
Redacción
- Advertisement -

A asociación Segredos de Pantón vai comezar un proxecto para poñer en valor o patrimonio natural do concello.

Nesta nova acción queren localizar árbores ou conxunto delas salientables tanto pola súa historia, como pola súa idade ou dimensións.

A idea é ir incorporando estes elementos, coma poden ser os cipreses da igrexa de San Fiz de Cangas, os plataneiros do Torrón, os piñeiros de Toldaos, o carballo de Cabo de Vila ou o piñeiro da Vila a unha base de datos que sexa accesible para todas e todos os/as interesados/as. De xeito que calquera que queira achegarse a estes elementos naturais poida facelo.

Piñeiro da Vila. Foto: SdP

A medida que esta listaxe se vaia confeccionando pensan tamén que incluso se poderá incorporar algunha árbore ao catálogo galego de árbores senlleiras de Galicia.

COMO PARTICIPAR

A xente interesada en participar pode facelo, tras localizar algunha árbore ou conxunto delas, mandando a localización do ben forestal, algunhas fotos, as dimensións aproximadas e incluso a historia que poida saber ao respecto.

A información anterior pode enviarse por whatsApp ao 662 669 223 (Lucas Vázquez), por correo electrónico a segredosdepanton@gmail.com ou tamén comunicándose a través das diferentes redes sociais da entidade (Facebook, Twitter ou Instagram)

Segredos de Pantón facilita tamén un enlace para o mapa en Mymaps de Google para visualizar os exemplares: Patrimonio forestal pantonés

ÚLTIMAS

A Deputación esixe á Xunta o remate urxente da estrada de Folgoso do Courel derrubada hai dous anos

A Deputación de Lugo esixe á Xunta de Galicia medidas urxentes para axilizar e...

O Club Quixós participa estes días na 2ª Copa de España de Eslálom Olímpico

O Club de Piragüismo Quixós, de Monforte, chegou con dez deportistas a terras catalás...

O IES Daviña Rey e o CEIP Plurilingüe Monte Baliño contarán con Clubs de Lectura nas Bibliotecas

Un total de 431 centros escolares, 53 deles de nova incorporación como serán o...

Axudas para a reestruturación e reconversión das viñas

No DOGA do 26 de marzo publicouse a Orde da Consellería do Medio Rural...