A conselleira de Medio Ambiente, Territorio e Vivenda, Ángeles Vázquez, convidou os alumnos e profesores da Ribeira Sacra divulgar os valores desta “xoia natural” de Galicia.

Fíxoo a través dunha carta, que enviou aos 44 centros educativos dos 23 concellos que conforman a candidatura desta zona a Reserva da Biosfera.

A conselleira manifestou que o apoio da comunidade escolar será unha achega máis para afianzar a candidatura da Ribeira Sacra e Serras do Oribio e Courel, que impulsou a Xunta de Galicia e que xa conta co informe favorable por parte da Unesco.