InicioMedio ambiente e PatrimonioPezas do castro da Torre do Courel no Museo Provincial de Lugo

Pezas do castro da Torre do Courel no Museo Provincial de Lugo

Este museo acolle a exposición temporal “Patrimonio Arqueolóxico do Courel. As intervencións no castro da Torre”. Na mostra atópanse pezas moi valiosas procedente das escavacións realizadas no xacemento de Sobredo, en Folgoso do Courel, entre os anos 1993 e 1997 polo arqueólogo Antonio Álvarez Nuñez.

Publicado o

POR
Redacción
- Advertisement -

A exposición reúne unha mestura de pezas inéditas, custodiadas nas zonas de reserva do MPL entre as que destaca un trefilador datado, con outras expostas acotío na Sección de Prehistoria e Arqueoloxía como a cerámica da Cova do Oso, a aguia e a tabula hospitalis do Courel.

A mostra, comisariada por Enrique Alcorta, Iván Álvarez, Aurelia Balseiro e Mª Ofelia Carnero, complementa a quinta edición da Xornada de Divulgación Científica do Patrimonio Arqueolóxico Lucense, centrada no Courel que se celebrou o pasado 25 de marzo.

Maite Ferreiro, Vicepresidenta da Deputación de Lugo, convidou a visitar a exposición, que se atopa na sección de Arqueoloxía e Prehistoria do Museo, destacando que “ademais das pezas, nos achega tamén á metodoloxía e as formas de traballo en arqueoloxía nos anos noventa”.

Dende este 1 de abril están dispoñibles as actas audiovisuais dese encontro, editadas polo Servizo de Audiovisuais da Deputación de Lugo. Poden consultarse na canle de Youtube do Servizo de Audiovisuais da Deputación de Lugo.

ÚLTIMAS

A Deputación esixe á Xunta o remate urxente da estrada de Folgoso do Courel derrubada hai dous anos

A Deputación de Lugo esixe á Xunta de Galicia medidas urxentes para axilizar e...

O Club Quixós participa estes días na 2ª Copa de España de Eslálom Olímpico

O Club de Piragüismo Quixós, de Monforte, chegou con dez deportistas a terras catalás...

O IES Daviña Rey e o CEIP Plurilingüe Monte Baliño contarán con Clubs de Lectura nas Bibliotecas

Un total de 431 centros escolares, 53 deles de nova incorporación como serán o...

Axudas para a reestruturación e reconversión das viñas

No DOGA do 26 de marzo publicouse a Orde da Consellería do Medio Rural...