O primeiro dos encontros celebrouse no Miradoiro de Campodola-Leixazós no 2019, e tras dous anos en que non se puido celebrar, esta semana os Xeopícaros do Xeoparque reuníronse na Ermida, onde recibiron explicacións sobre a importancia xeolóxica e arqueolóxica, a historia e tradicións (Meco e Pampórnigas) e as pedras de construción que dende
alí se poden observar.
Posteriormente realizaron un roteiro dende a Ermida ata a Ponte do Villaverde, con explicacións sobre a vexetación do bosque de ribeira, dos abanicos fluviais, dos viñedos no Regueiral, a historia e as pedras de construción da ponte.
Semana dos Xeoparques Europeos
A Semana dos Xeoparques Europeos celébrase entre o 21 de maio e o 5 de xuño entre os 94 Xeoparques dos 28 países que na actualidade están declarados en Europa. De entre eles, 15 Xeoparques en España, sendo as Montañas do Courel o primeiro e único ate o momento declarado en Galicia no 2019.
As actividades no Xeoparque Montañas do Courel que están por celebrarse son:
- Sabado 28 maio: Geoparqueando polos Sequeiros de Mostad
- Domingo 29 maio: Roteiro para coñecer as rochas dos monumentos relixiosos do Xeoparque
- Domingo 29: Festa dun dos sabores das nosas rochas: “XXII Mostra do Aceite de Quiroga”
- Martes 31 Maio: Talleres xeolóxicos para escolares no CEIP en Folgoso do Courel
- Mércores 1 de Xuño: Talleres xeolóxicos para escolares no CEIP Ribas de Sil
- Xoves 2 de Xuño: Talleres xeolóxicos para escolares no CEIP Quiroga
- Venres 3 de Xuño: Talleres xeolóxicos para escolares no CEIP Quiroga
- Sábado 4 de Xuño: Taller de réplicas de fósiles para Xeopícaros
- Sábado 4 de Xuño: Roteiro polos castros do Courel e outras escavacións
- Sábado 4 de Xuño: Inauguración do Centro de Interpretación da Mineria Aurífera Romana (CIMAR) en Ribas de Sil. 7º Centro de interpretación do Xeoparque
- Sábado 4 de Maio e domingo 5 de Xuño: Festa doutros sabores das rochas do Xeoparque: “XVIII Festa da Cereixa, do Viño e do Aceite de Ribas de Sil”
- Domingo 5 de Xuño: Roteiro “das pedras calizas as orquídeas: a evolución da vida”
