‘Camiños e Cantares nos eidos da bremanza’, este 24 de setembro en Triacastela

O acto está organizado pola Asociación de Periodistas e Estudosos do Camiño de Santiago (APECSA), e conta co apoio do Xacobeo 21-22. Unha lembranza a Fiz Vergara Vilariño e á viaxe de Álvaro Cunqueiro do Cebreiro a Compostela.

Fiz Vergara Vilariño. Ilustración: Xosé Manuel Fdez.

Este sábado 24 de setembro, a partir das 17:00 horas, celebrarase na Igrexa de Triacastela a terceira xornada do programa “Camiños e Cantares nos eidos da Bremanza: Unha Peregrinación Literaria, cantada e falada”, organizado pola Asociación de Periodistas e Estudosos do Camiño de Santiago (APECSA), co apoio do Xacobeo 21-22, en conmemoración do 25 aniversario do pasamento do poeta, Fiz Vergara Vilariño (Santalla de Lóuzara, 15/4/1953 – 18/7/1997) e 60 aniversario da viaxe do periodista e escritor Álvaro Cunqueiro, do Cebreiro a Santiago de Compostela.

No marco deste programa xa se desenvolveron sesións no Cebreiro e tamén no Concello de Samos. Agora tócalle a Triacastela e o vindeiro sábado, día 1 de outubro, cerrarase en Sarria, cun acto na sociedade A Unión, a partir das 12:00 horas.

PROGRAMACIÓN

Fálame ti, vello muíño,

meu bon albeiro proletario,

cobillo de amores á beira da fonte…

Dime se a miña saudade pode medirse en celamís,

ou se compren, tal vez, ferrados enteiros,

ou se, polo contrario, se necesitan fanegas ás picaroladas.

Fiz Vergara Vilariño

DEIXAR UN COMENTARIO

Please enter your comment!
Please enter your name here