HomeMedio ambiente e PatrimonioOutubro, mes negro para o lumes na comarca de Lemos

Outubro, mes negro para o lumes na comarca de Lemos

A tarde deste xoves 4 de outubro deixou un incendio forestal en Sindrán, que quedaba extinguido na mesma xornada; xa pola noite producíase outro en Reigada, ámbalas dúas parroquias de Monforte, e outro en Nogueira de Ramuín, que desde Monforte semellaba ser o monte de Piñeira.

Publicado o

- Advertisement -

Desde 112 Emerxencias Galicia xa se viña avisando da necesidade de precaución en todo o centro e sur da provincia de Lugo polo risco extremo de incendio ante a falta de choivas e as altas temperaturas. E as posibilidades de incendios forestais materilizáronse cos lumes declarados en Sindrán o día 4 pola tarde e en Reigada pola noite. Os dous lumes quedaron apagados horas despois de iniciarse. Tamén ao redor das 21.00 iniciábase outro incendio no concello ourensá de Nogueira de Ramuín, este lume fixo pensar á veciñanza de Monforte que se trataba do monte da parroquia monfortina de Piñeira, pero era unha sensación visual.

Os lumes quedaron xa extinguidos e a mañá deste venres 5 deixa na zona esa luz apagada froito dos restos do fume. As previsións meteorolóxicas dan choivas leves para mañá, pero a situación segue sendo complicada e pídese aos veciños precaución porque se mantén o risco elevado de incendio. Os incendios poderían ser fortuitos e axudados pola altas temperaturas e a falta de choivas, pero tantos focos ardendo en distintos puntos e de modo consecutivo fan pensar en lumes provocados.

O mes de outubro estase convertendo nun mes negro para os incendios en Galicia, acaba de comezar e xa vai dando avisos. Lembramos que o pasado ano, outubro foi un mes tráxico coa cantidade de lumes que afectaron ao sur de Galicia, especialmente á provincia de Pontevedra e no caso de Lugo, en concellos como A Pobra do Brollón.

A tendencia vén sendo a mesma desde hai moitos anos, o final do verán chega cargado de lumes. Hai 20-25 anos acontecía en setembro, os cambios climatolóxicos xerais van retrasando o final do verán e na actualidade chega a outubro. É agora cando se dan as condicións perfectas para que o monte arda, é cando máis dano se pode facer e é o momento escollido por quen, efectivamente, quere facer dano.

ÚLTIMAS

Manuel Diéguez incide na ‘seguridade e coidado do viñedo’ na presentación oficial da 50 edición da ‘Subida Automobilística a Chantada’

Na presentación da 50ª edición da Subida Automobilística a Chantada, o primeiro en falar...

Déixate guiar pola Pobra do Brollón este verán

As visitas vinculadas á arqueoloxía son o Castro de San Lourenzo de Cereixa, Penas...

200 persoas de 13 parroquias de Chantada participaron do programa Actívate no Rural

O Concello de Chantada a través da concellaría de Servizos Sociais organizou desde o...

Panorama e Combo Dominicano nas Festas de Quiroga

O Concello de Quiroga comeza a facer públicas as actuacións das súas festas de...