HomeMedio ambiente e PatrimonioCompostaxe domiciliaria para 40 vivendas no concello do Incio

Compostaxe domiciliaria para 40 vivendas no concello do Incio

O Concello do Incio, en colaboración coa Consellería de Medio Ambiente, Territorio e Vivenda da Xunta de Galicia, implantará unha campaña de compostaxe domiciliaria para promover a reciclaxe da fracción orgánica dos residuos en orixe.

Publicado o

POR
Redacción
- Advertisement -

A campaña está ideada para a participación de 40 veciños e veciñas do municipio, que recibirán de forma totalmente gratuíta os medios materiais para a elaboración de compost a pequena escala.

A primeira fase da campaña arrincará coa posta en marcha dunha serie de accións de difusión, para sensibilizar á cidadanía no desenvolvemento da técnica de autocompostaxe, e a apertura do prazo de inscrición aos veciños e veciñas que estean interesados en participar. A segunda fase iniciarase tras a selección das persoas participantes, facéndolles entrega dos medios materiais e ofrecéndolles formación e asesoramento a cargo de persoal técnico especializado.

Con esta campaña arredor da compostaxe domiciliaria, o concello do Incio busca unha mellor solución para os residuos orgánicos xerados nos fogares ao mesmo tempo que se trata de evitar a deposición de restos vexetais de podas nos contedores municipais ou na vía pública.

ÚLTIMAS

O folión de carros a ollos da infancia de Chantada

O próximo 24 de agosto celebrarase en Chantada o Folión de Carros, como é...

Torneo-Festa deportiva fin de tempada do C.V. Ribeira Sacra

Celebrouse unha xornada de confraternidade da familia do C.V. Ribeira Sacra, na que se...

O BNG e a ANPA do CPI Poeta Uxío Novoneyra demandan solucións á estrada LU-651

O BNG asegura que nestes días volveu caer parte desta estrada, e como solución...

Prazo aberto para solicitar as axudas para a creación de novas casas do maior

Como novidade, esta nova convocatoria inclúe unha axuda complementaria de 150 euros semanais durante...