O Concello da Pobra do Brollón, un dos pioneiros na compostaxe doméstica na provincia de Lugo, vai iniciar unha campaña para aumentar o número de veciñas/os que participen do proxecto.

No ano 2018 presentaron á veciñanza esta iniciativa para transformar residuos orgánicos e de xardinería en fertilizante, e fixérono baixo o lema “Menos residuos! Máis vida!”. Daquela, os veciños e veciñas recibiron un manual sobre compostaxe e os caldeiros para levar os residuos orgánicos que xeren aos depósitos correspondentes.

NOVA CAMPAÑA

Estes días, o Concello da Pobra do Brollon comezou unha nova campaña baixo o lema “Apúntate á compostaxe!” para promover a reciclaxe de residuos orgánicos en 40 vivendas e o vindeiro 25 de outubro poñerán un punto informativo na Praza da Peza, a carón do concello, entre as 11:00 e as 13:00 h.

Para aqueles que non poidan asisitir, o concello anímaos a contactar nas oficinas municipais de xeito presencial ou chamando por teléfono ao número 982 430001.

Para participar cómpre ter unha horta ou xardín onde poder colocar o composteiro e ter situadas a vivenda preferentemente en zona rural.