As xornadas inauguraranse o día 19 ás 18.30 h. da tarde. Ás 19.00 h. José Ruíz Fernández do departamento de xeografía da Universidade de Oviedo e investigador principal do proxecto Cronoantar, ofrecerá a conferencia “As pegadas glaciares da cordilleira cantábrica, estado das investigacións”.
Ás 20.00 h. Marc Oliva do departamento de xeografía da Universidade de Barcelona e co –presidente do ANTPAS, falará de Serra Nevada, como os glaciares máis meridionais de Europa. A xornada do 19 pecharase ás 21.00 h. co “Glaciarismo e periglaciarismo das montañas do Courel”, por conta de Augusto Pérez Alberti, profesor Ad honorem da USC. O sábado 20 completaranse as xornadas cunha saída de campo para visitar as zonas glaciares das montañas do Courel.
A actividade é de balde, pero necesita inscrición previa ao ter as prazas limitadas a 50. As inscricións deben de facerse no correo electrónico grupogdr8@yahoo.es.
