Bóveda pon en marcha a campaña de compostaxe doméstica

O Concello de Bóveda instalou este luns na Praza do Concello, de 10:30 a 13:00 horas, unha carpa informativa a fin de que os veciños e veciñas do termo municipal interesados en participar na campaña de compostaxe doméstica puideran informarse e inscribirse.

Compostaxe Bóveda / Concello de Bóveda

A campaña está ideada para a participación de 50 vivendas pertencentes preferentemente á zona rural, sendo a condición indispensable posuír un espazo de horta e/ou xardín no que colocar un composteiro, que recibirán de forma totalmente gratuíta.

A carpa estará instalada de novo na Feira en Rubián o día 14 de novembro.

As persoas interesadas en formar parte deste proxecto poden anotarse no Concello de Bóveda.

DEIXAR UN COMENTARIO

Please enter your comment!
Please enter your name here