O vindeiro domingo 21 de maio ás 16:00 horas, o colectivo Segredos de Pantón ten programada unha nova andaina polas súas terras.

No roteiro que deseñaron para esta ocasión poderá verse a contorna do val de Lemos dende o Concello de Pantón. “Tamén se visitará o muíño dos Eireos, a igrexa de San Mamede de Mañente, o monte da Picota, uns antigos muíños no río Carabelos, os pasares do Paso do Salgueiro e moitas máis sorpresas”, comenta Lucas Vázquez, presidente da asociación.

O prezo da actividade é de 2 euros por persoa, o percorrido duns 9 quilómetros e hai dispoñibles 30 prazas, previa inscrición. Dende a organización recomendan levar pantalón longo, bebida e algo de comida para facer a camiñada máis levadeira.

INSCRICIÓNS

Por correo: segredosdepanton@gmail.com

Tlf: 662 669 223 (Lucas Vázquez).

Por: Instagram ou Facebook.