A árbore ubicábase na marxe do Cabe, á altura do embarcadoiro do Parque dos Condes. O chopo estaba inclinado, debido ó empuxe da cepa doutras árbores, e por mor desa inclinación, xa estaba apoiado na caseta de madeira municipal que dá servizo ao pantalán, concretamente ás barcas utilizadas para os paseos polo río Cabe que o Concello ofrece no verán, e ó club de piragüismo da cidade, entre outros.

A fin de garantir a seguridade dos usuarios do Parque, unha empresa especializada neste tipo de traballos procedía á tala, “segundo os informes emitidos polos técnicos o estado da árbore podía supoñer un perigo para os usuarios do Parque dos Condes, e tamén podía danar a estrutura da caseta de servizos sobre a que se está a apoiar”, apuntan desde o concello.