Membros da brigada de Parques e Xardíns da Concellería de Medio Ambiente, levaron a cabo a poda en altura destes 5 plataneiros, a través dun camión con plataforma elevadora.
Desde o concello sinalan que a poda era necesaria debido a gran altura alcanzada polas ramas das árbores que podían conlevar algún risco de rotura e caída, por mor dos temporais dos últimos tempos, evitando así posibles riscos tanto para o tráfico rodado da ronda María Emilia Casas Baamonde, así como para os viandantes que a diario transitan pola senda na que se ubican os plataneiros, en especial os usuarios do Hospital Comarcal que estacionan os seus vehículos no aparcadoiro do Parque.
A poda, ademais de sanear as árbores para que medren máis robustas, levouse a cabo acorde coa estética do resto do entorno, no que se ubica o recentemente construído Parque do Barrio do Hospital.