HomeMedio ambiente e Patrimonio8 e 9 de xuño para escaparse á Guimaralia

8 e 9 de xuño para escaparse á Guimaralia

‘Escapada á Guimaralia’, froito da colaboración entre o Concello da Pobra do Brollón e o Albergue municipal, ofrece unha fin de semana completa para coñecer a riqueza cultural, patrimonial e paisaxística do municipio.

Publicado o

POR
Redacción
- Advertisement -

A proposta dunha fin de semana de camiñadas, cata musical e visitas culturais nace da colaboración entre o Concello da Pobra do Brollón e o Albergue Municipal, para coñecer a riqueza cultural, patrimonial e paisaxística do municipio.

Ofértase un conxunto de actividades, incluíndo durmida e todas as comidas, dende a tarde do sábado 8 ata a tarde do domingo 9 de xuño. As actividades do sábado terán lugar na parroquia de Vilachá de Salvadur. Proponse un paseo pola Ribeira Sacra atravesando viñedos e con visita guiada ao xacemento dos Conventos. A xornada acaba cunha cata musical nas adegas medievais de Vilachá para degustar viños locais entre as cancións do veciño e músico Suso 40. 

O domingo comeza cun paseo polo Camiño de Inverno pasando polo Casco Histórico da Pobra do Brollón, onde se fará unha pequena visita guiada. A ruta continúa ata o Castro de San Lourenzo en Cereixa, e remata no lugar de memoria histórica da Casa de Repil. O día péchase cunha comida no Fogón en Cereixa, a primeira parrillada da provincia de Lugo. 

O prezo son 65€ por persoa que inclúe todas as actividades, a cea do sábado, o almorzo e xantar do domingo, e durmida no Albergue da Pobra do Brollón. É preciso reservar praza antes do 2 de xuño. Para máis información e reservas hai que contactar co Albergue no teléfono 609490941.

ÚLTIMAS

Torre da Homenaxe en verde este 21 de xuño no Día Mundial da ELA

Como xesto simbólico e en sinal de apoio ás persoas con ELA (Esclerosis Lateral...

Quiroga formará a traballadores de atención a persoas con dependecia e axuda no fogar

O ISSGA, Instituto de Seguridade e Saúde Laboral de Galicia, no seu Plan de...

Este 21 de xuño preséntase no Auditorio de Chantada o proxecto do Museo Manuel Jorge

A xornada incluirá un coloquio e unha visita ao edificio que albergará o museo,...

286.000€ para a mellora do Aeródromo das Lamas en Monforte

Asfaltarase o firme da pista de voo a través de aglomerado en quente e...