O Concello do Incio conta desde esta primavera cun novo espazo para gozar do encoro de Vilasouto, trátase dun miradoiro ao pé do río.

“Un lugar máxico desde o que observar a conca do río Mao e desde onde facer as mellores fotos dun dos enclaves máis fermosos no noso Concello”, como sinala o alcalde, Héctor Corujo.

Ademais de acondicionar esta plataforma preto da presa, tamén se mellorou o peche perimetral que bordea Vilasouto ofrecendo unha ruta perfecta para percorrer este espazo en plena natureza.

Miradoiro encoro Vilasouto / Concello do Incio