Este próximo sábado 14 de decembro o Xeoparque Montañas do Courel organiza unha xornada de visita comentada aos traballos de acondicionamento e consolidación arqueolóxica recentemente realizados no miradoiro do túnel de Montefurado.

O guía será o arqueólogo Luís López, quen dirixiu as actuacións efectuados na contorna deste xacemento, un dos máis importantes relacionados coa minaría aurífera romana no ámbito do noroeste ibérico. A actividade realízase grazas ao acordo entre o Concello de Quiroga e a Xunta de Galicia, e está incluída no programa de actividades de outono do Xeoparque Montañas do Courel.

A asistencia á visita é de balde, aberta a todo o público que queira achegarse e non precisa de inscrición. O punto e hora de reunión será no desvío que parte da estrada N-120 para o acceso a Montefurado por un lado, e aos Covallos polo outro, ás 11 da mañá do sábado 14 de decembro.