Nestes últimos anos a Asociación conseguiu asentar esta tradición que se leva celebrando dende tempos inmemoriais. Os promotores queren implicar á xente nova para que non se chegue a perder a tradición.

A cita terá lugar o venres, 26 de setembro, a partir das 22:00h. O principal reclamo da festa, a procesión das fachas á cima do Castro da Besta, comezará ás 00:00h. Á volta do percorrido acenderanse ás fachas máis longas que arderán ó tempo que se desenvolverá dito concerto.

“Nestes días estamos a traballar na recollida dos agucios para elaborar as fachas. Proceso no que están tamén a participar os máis novos de Vilelos co fin de que vaian tomando contacto coa tradición”, explican desde a Asociación Veciñal de San Martiño de Vilelos.

Declarada BIC no ano 2018, esta tradición ancestral ten moitas similitudes coa Queima das Fachas de Castelo no concello de Taboada que se celebra o 7 de setembro.