Este 14 de maio o Club de Pesca Río Cabe, coordinou unha nova xornada de concienciación co alumnado do CEIP Plurilingüe A Gándara de Monforte de Lemos, tomando o relevo aos seus compañeiros do CEIP Plurilingüe de Monforte de Lemos. O obxectivo da actividade é ofrecer aos centros educativos unha experiencia completa que combina deporte con ética.
“Para nós é un orgullo organizar estas xornadas” aseguran desde o Club preparando para este día un circuíto de aprendizaxe que os convertiu en protagonistas de cada fase da pesca deportiva. Foron nomeados oficialmente “Gardiáns do Cabe”, o que conleva a responsabilidade de aplicar a filosofía de Residuo Cero, coa Regla+1: recóllese sempre polo menos unha peza de basura que non é propia antes de marchar.
Repasaron a normativa para a pesca 2026 e celebraron un taller artesanal de montaxe de moscas, mosquitos, …, entendendo así como se imitan os insectos do río para atraer á troita. Practicaron a arte do lanzado, como manexar a cana e aprender a lanzar corretamente na agua. Completouse a xornada cun bautismo da pesca onde todos os participantes tiveron ocasión de pescar nas aguas do río Cabe.
Gardiáns do Cabe 2026 / Club de pesca Río Cabe
A actividade realizouse baixo a modalidade de “pesca sen morte”, asegurando que cada exemplar volvese a auga en perfectas condicións. Con actividades como esta, o Club de Pesca Río Cabe reforza o vínculo coa comunidade educativa e propoñen: “Esperámosvos na aventura”.
Fan referencia á Escola de Pesca do Club que se desenvolve os xoves de 16:00-18:00h, “Non vos preocupedes polo equipo deixámosvos todo o necesario e a actividade é totalmente gratuita”. E agradecen a colaboración co CEIP da Gándara, “Ver a un neno/a pescar con respecto ao medio ambiente é a maior recompensa para o traballo do noso club”, conclúen.
Gardiáns do Cabe 2026 / Club de pesca Río Cabe
