A Anpa do CPI Poeta Uxío Novoneyra informa que os nenos e as nenas do Courel non irán mañá ao cole. Tal xa como adiantaron estes días, quedarán na casa como medida de protesta diante da inminente contratación do transporte escolar; un transporte que reducirá o número de rutas e obrigaralles a facer desprazamentos aínda máis longos para ir e volver da escola. 

Esta folga chega despois da concentración do pasado 30 de decembro e da presentación formal dunha reclamación na Consellería de Educación e de queixas diante da Valedora do Pobo e do Defensor del Pueblo.

A acción de protesta tamén inclúe unha recollida de sinaturas que supera xa as 3.000.