InicioMovementos sociaisNace en Chantada unha nova plataforma contra o "espolio enerxético" das eléctricas

Nace en Chantada unha nova plataforma contra o “espolio enerxético” das eléctricas

Os veciños de varias parroquias de Chantada veñen de constituír en Sabadelle unha nova plataforma contra o espolio enerxético, que se artella ademais nun grupo de traballo permanente. O obxectivo é formar, informar e asesorar as persoas afectadas para que tentar poñer fin aos "abusos e impunidade do oligopolio das eléctricas."

Publicado o

POR
Redacción
- Advertisement -

Aseguran desde a recén creada plataforma que non se opoñen a produción limpa de enerxía, pero consideran que Chantada xa ten suficientes liñas de alta tensión, encoros e parques eólicos como para padecer agora tamén o impacto da liña de alta tensión desde o Maxal deica a presa de Belesar en San Fiz.

“As consecuencias do modelo actual, froito dunha lexislación a medida das empresas á que os sucesivos gobernos nunca lle poñen couto, son problemas nas comunicacións, abandono e desvalorización da zona, limitacións no asentamento de exploracións gandeiras, espolio da terra agraria…,” afirma a plataforma.

Defenden que debería apostarse pola xeración distribuída e un canon enerxético que deixase unha porcentaxe elevada dos rendementos no territorio. Un modelo de produción de participación local, público e descentralizado e lamentan que a Xunta de Galiza e o Concello non informen ós veciños.

ÚLTIMAS

Axudas para a reestruturación e reconversión das viñas

No DOGA do 26 de marzo publicouse a Orde da Consellería do Medio Rural...

6 empresas locais constrúen novas naves no Polígono dos Acivros, en Chantada

O alcalde de Chantada, Manuel Lorenzo Varela, vén de visitar o Polígono dos Acivros...

A Deputación urxe á Xunta a acometer o desdobramento da totalidade do corredor Nadela-Monforte

O Presidente da Deputación de Lugo, José Tomé Roca, evidenciou a necesidade de completar...

A Xunta reactiva as notificacións para queimas agrícolas

A Xunta de Galicia decidiu volver activar os permisos para queimas agrícolas de particulares....