HomeMovementos sociaisÉxito no comezo da Comunidade Rural Montes de Saberes

Éxito no comezo da Comunidade Rural Montes de Saberes

Éxito de asistencia e participación na primeira xornada da Comunidade Rural Montes de Saberes, "As Comunidades de Montes como motor de dinamización rural", que se celebraba a pasada semana no Auditorio do Concello do Saviñao.

Publicado o

POR
Redacción
- Advertisement -

Escairón acollía a finais de abril a primeira reunión da Comunidade Rural Montes de Saberes, “As Comunidades de Montes como motor de dinamización rural” dentro do proxecto Comunidades Rurais desenvolvido por Acción contra a Fame e cofinanciado polo Fondo Social Europeo Plus e Fundación MAPFRE.

Dende a organización do evento agradecen o éxito de participación e asistencia a esta primeira xornada onde se expuxeron e analizaron as limitacións e retos que enfrontan as Comunidades de Montes tanto de forma legal, territorial, poboacional coma de recursos.

Os poñentes foron José Manuel Iglesias, da Comunidade de Montes O Carballo (Friol) e representante da empresa Tenzas; Felipe Castro, axente forestal; Daniel Canosa, da Fundación Juana de Vega; Xavier Fontcuberta, da Fundación Roberto Rivas; Guillermo Díaz, de Coureleando, e Franciso J. Domínguez, resineiro, formador e representante da Comunidade de Montes de Tuiriz, os cales deixaron en evidencia todas as potencialidades e oportunidades que teñen as Comunidades de Montes na actualidade. O desenvolvemento e implementación de actividades produtivas nos montes favorecen a fixación poboacional, a xeración de postos de traballo e a profesionalización do rural, incluíndo os sectores forestal, gandeiro, agrícola, tusítico e de servizos.

Comunidad Rural Montes de Saberes encontro O Saviñao / Fundación Acción Contra el Hambre

O obxectivo deste primeiro encontro foi identificar aquelas Comunidades interesadas en xestionar os seus recursos, utilizando o programa de Comunidades de Emprego e Emprendemento Rural Sostible como vehículo de acompañamento para a súa execución e desenvolvemento.

Esta Comunidade Rural Montes de Saberes é o inicio dun proxecto colaborativo e participativo de todos os axentes e comuneiros/as interesados/as en fomentar e potenciar a figura da Comunidade de Montes como parte activa do crecemento económico do territorio.

Dende Acción contra el Hambre animan a participar neste grupo recén creado a toda a cidadanía e Comunidades de Montes que queiran aproveitar esta oportunidade para crear sinerxías para traballar polo desenvolvemento do rural.

Para máis información poden acceder ao enlace  www.comunidadesruralesostenibles.org ou escribir a algunha destas direccións: Iniglesias@accioncontraelhambre.org, arandolfe@accioncontraelhambre.org.

ÚLTIMAS

31 de maio, Día da Xuventude en Chantada

No Concello de Chantada o Día da Xuventude celebrarase na praza diante do Polideportivo...

Mellores condicións para o alumnado da Casa da Música de Chantada

Dende a Casa da Música de Chantada, onde forman a nenos e nenas de...

Investigado por circular a 190km/h nunha vía de 90Km/h en Pantón

A Garda Civil investigou a un veciño de Salamanca, de 32 anos de idade, como suposto...

As oportunidades das Comunidades de Montes a debate, este 28 de maio en Taboada

No encontro de Taboada analizaranse as oportunidades que teñen as Comunidades de Montes para a xeración de riqueza...