HomeOpiniónDía 11 de corentena: Desacougo ante a ameaza invisible

Día 11 de corentena: Desacougo ante a ameaza invisible

A falta de información clara non é do que máis botades en falta? Porque eu si, e iso é porque aínda non a hai, con respecto a moitas cousas relacionadas co COVID19. O 1 de decembro chegounos a visitar e agora non se quere ir da casa e, por riba, estao revolvendo todo ao seu paso.

Publicado o

- Advertisement -

Cando tes que buscarlle cousas boas á situación na que estamos.

Unha das cousas boas da aparición do COVID19 é o papel que cada un de nós xoga individualmente para o control da epidemia, e falo a nivel mundial. A responsabilidade de cada un de nós, repercute a nivel global, e por suposto, cercano. Todos coincidimos na trascendencia que ten o que estamos vivindo. Tempos de desconcerto e desconfianza, incluso para as persoas e autoridades nas que os cidadáns depositamos a confianza nos distintos ámbitos. O coronavirus fainos iguais, máis ca nunca; nun sistema global/xeral que está na corda floxa.

Coronavirus | Fonte: diariojuridico.com

Estamos en RESET

A falta de información clara non é do que máis botades en falta? Porque eu si, e iso é porque aínda non a hai con respecto a moitas cousas relacionadas co COVID19. O 1 de decembro chegounos a visitar e agora non se quere ir da casa e, por riba, estao revolvendo todo ao seu paso. Pero é que revolvendo, atopou un montón de merda, e a que atopará, que estaba aí, nos países, nos organismos, nas estruturas, na organización como sociedade, nas administracións e empresas, en moito do que ata agora considerabamos bo ou malo,… nas familias, no individuo, en como vivimos.

“Isto é unha locura, é un fracaso de modelo social,” dixéronme á outra banda do teléfono. “Este ten que ser tempo de reflexión sobre o propio capitalismo, sobre a globalización e sobre o modelo de produción e de sistema que temos, onde non somos capaces de producir mascarillas.”

Un dos problemas que se vén constatando co COVID19, é a falta de medios e persoal sanitario. Está acontecendo en todos os países e a todos os niveis. Queda claro que o mundo non estaba preparado para algo así, pero descúbrese que os hospitais aquí e en Nova Iork, xa non tiñan nin o necesario para o básico, sen situación de alarma sanitaria. E mentres en España, xusto antes de decretar a alarma sanitaria, a SANIDADE pasaba do 7º ao 3º lugar en canto a preocupacións da cidadanía, e en Galicia, desde fai tempo, os sanitarios demandan máis medios para non contaxiar e non contaxiarse. Básico, non?

Sanitaria atende a unha paciente de coronavirus (imaxe de arquivo). EFE

Á outra beira do teléfono segue a miña interlocutora, que aproveito para dicir que non traballa na sanidade, “Ir a traballar e ir protexida, por eles e polos demais. Esta xente está indo a traballar sabendo que, moi probablemente, volva contaxiada á casa. Non podemos infantilizar á xente, ten que saber que non hai medios.

Non somos autosuficientes, agora que o COVID19 chega a América, como imos competir no mercado internacional para ter marcarillas? simplemente non vai haber. Temos que ser conscientes do modelo social e económico que construimos e o fracaso e o risco que implica. O sistema é fallido de modo estrutural e a xente non o sabe, e non é consciente de ata que punto. É importante que o saibamos.”

Rozando o desbarre de corenta

Destas palabras da compañeira ao outro lado do teléfono, engado, porque os humanos, cada cidadán temos a nosa responsabilidade para que isto sexa mellor para todos, e esa responsabilidade non é só votar periodicamente. Non somos alleos ao que acontece, nin agora, nin deberiamos ser nunca. Formamos parte do que acontece e esta situación que creou o COVID19 non se solucionaría se os cidadáns, a nivel individual, non teñen o comportamento que se lles espera. Ante o COVID19 todos os medios sanitarios do mundo non serven de nada se a xente non nos quedamos na casa. Tras o reset tocará reiniciar e todos xogamos un papel, as persoas nas que depositamos a nosa confianza, e tamén nós. Parece idílico, non?

Un infectado de coronavirus sendo trasladado en ambulancia ao hospital por persoal sanitario | Fonte: © Miguel Núñez

Creo tamén que parte dese sistema que demostrou a súa ineficacia son as teorías da conspiranoia ou, a un menor nivel, os bulos desafortunadamente oportunistas que circulan nas redes e que, nestes tempos do COVID penetran rápidamente na sociedade, causando un gran dano. “A COMUNICACIÓN É FUNDAMENTAL PARA ACADAR O DESENVOLVEMENTO SOCIAL”, dicíame o Xornalista, Lois Celeiro, en Xornal de Lemos. Por certo, fai un mes, cando España e o mundo xa sabían que o COVID chegara a Italia.

Como descoñezo se o COVID19 o botou, China ou Trump, ou os extraterrestres; opto por pensar que foi o modo que tivo o noso planeta para dicirnos: “ASÍ NON; que non vos enterades cando vos aviso, só cando vos toca a vós.” Como o COVID19.

E en momentos así a xente aporta, colabora, implícase, como estamos vendo en multitude de casos. Aplausos para todas esas persoas. É unha honra; como a que senten as persoas que hoxe estrearon as máscaras de protección que o IES A Pinguela de Monforte fai coa súa impresora 3D.

Máscaras IES A Pinguela / F.O. Madriñán

A peza forma parte dun ‘Diario de corentena conxunto que se escribe dende o Lugo Xornal, o Xornal da Mariña e o Xornal de Lemos.

ÚLTIMAS

Puido haber unha ALTRI en Quiroga en 1976?

Dende finais de 1975, pouco despois da morte do Perenne, víñanse sucedendo novas na...

Fin de semana de descenso urbano de Sarria

O club ciclista DH Galicia, que ven organizando o evento desde 2012, ultima os...

Concurso de Enganches Concello de Chantada, este 21 de xullo

Chantada acolle o 21 deste mes de xullo o Concurso de Enganches Concello de...

Comeza a mellora da estrada LU-P-4202 que une Pacios e Currelos

A Deputación de Lugo vén de iniciar en Paradela os traballos da estrada provincial...