InicioOpiniónDoade: o emprendemento turístico atrae a máis de 20.000 visitantes

Doade: o emprendemento turístico atrae a máis de 20.000 visitantes

"Recibimos máis de 20.000 visitantes sen contar os 40.000 que pasaron para tomar o catamarán".

Publicado o

POR
Antonio Rodríguez
- Advertisement -

Doade, no concello de Sober, xunto con Parada de Sil e Castro Caldelas son, na actualidade, un destino turístico importante para os visitantes da Ribeira Sacra. Tres ubicacións, que cada unha coas súas singulares características son as que neste momento atraen a máis turistas desexosos de coñecer a beleza interior deste espazo histórico, máis alá das proclamas propagandísticas, pagadas por todos os cidadáns.

Doade cuxa natureza permitiulle dispor dos viñedos mellor conservados, coidados e visitados, recibiu este ano miles de visitantes atraídos pola beleza natural (canón humanizado polo traballo do home ao longo de 2.000 anos), facilidade de acceso e infraestrutura enoturística (3 Restaurantes, Tren Turístico e Adegas de renome internacional, Catamaráns, e o maior espazo artístico ao aire libre de Galicia.)

Recibimos máis de 20.000 visitantes sen contar os 40.000 que pasaron para tomar o catamarán.

Tren Turístico / Aba Sacra

Neste último tramo do primeiro cuarto do século XXI, a Deputación está mellorando parte da LU-5903, que une este tramo turístico coa capitalidade do termo municipal. Son necesarios outros pequenos investimentos das administracións públicas e particulares para revalorizar esta parroquia rural que despuntou desde hai anos, gracias ao bo facer dos empresarios que apostaron por ela. Como grupo HGA Viñedos de Altura e Pizarras Campos cos seus grandes proxectos enoturísticos, que dalgún modo proxectaron Doade como destino nestes tempos nos que o turismo do viño púxose de moda. Tamén pequenos emprendedores decidiron crear as súas empresas (Aba Sacra, Guímaro, 6 casas de turismo rural, Enoturismo de Galicia con 6 segways para alugueiro, Tren Turístico co seu Wine Tour, etc.)

Dispón Doade dunha infaestrutura turística encomiable, e ademais os promotores unidos e coordinados que fan un todo cohesionado. Exemplo delo é o Wine Tour con Tren Turístico que realiza a viaxe polas Abas de Amandi e con visita a adegas.

ÚLTIMAS

“Outlet de Inverno” en Sarria, os día 1 e 2 de marzo

Durante eses días, preto dunha trintena de establecementos de ACES participarán nunha campaña de...

Cales son as prioridades do orzamento do novo goberno para Quiroga?

No caso do servizo municipal de auga, co inicio das choivas de outono a...

Máis de 200 persoas inscritas para a carreira Xacorun Sarria que se celebra o 3 de marzo

A Xunta apoia un ano máis a iniciativa Xacorun, unha carreira entre Sarria, Paradela...

IGV demanda medidas “ante a crise de produtores de uva na Ribeira Sacra”

Interior Galego Vivo explica que "hai unha crise de excedentes de uva na DO...