InicioOpiniónJaime González: Avanza Pantón somos xente nova e comprometida que quere gobernar...

Jaime González: Avanza Pantón somos xente nova e comprometida que quere gobernar con visión de futuro

A agrupación de electores, Avanza Pantón, presentou oficialmente a súa proposta e candidatura para as próximas eleccións municipais do 28 de maio. Cunha visión clara de promover o desenvolvemento sostible e o benestar da nosa comunidade, Avanza Pantón xorde como unha alternativa fresca e comprometida coas necesidades das/os nosas/os veciñas e veciños.

Publicado o

POR
Jaime González, candidato á alcaldía por Avanza Pantón
- Advertisement -

Ante a parálise mostrada polo grupo de goberno durante os últimos 16 anos, Avanza Pantón nace ante a necesidade de dar un xiro de 180 graos á situación de decadencia que sofre o Concello e que nos leva ao ostracismo e o esquecemento. Un grupo de xente nova e comprometida xorde coa iniciativa de gobernar con visión de futuro. Esta corporación é o aire fresco que necesita o Concello para que o cambio sexa efectivo.

Entre os principais piares do noso programa electoral atópanse:

  • Un desenvolvemento local sostible: que se basea en tres políticas tractoras, Industria, Vivenda e Turismo.
  • A creación dun polígono que poida ser punto loxístico de referencia na zona e con acceso directo á N-120.
  • A creación dun cookworking, para que pequenos empresarios poidan alugar un espazo colaborativo para traballar e desenvolverse, con salas de reunións ou videoconferencia, presentacións de produtos e impulso das pequenas empresas.
  • A posta en marcha do PXOM como eixo vertebrador para a construción tanto de vivenda pública como privada, a aposta polo asentamento de familias novas a través de incentivos fiscais e de conciliación.
  • A posta en marcha dun plan de turismo 360, que nos permita manter unha oferta turística adecuada ás distintas demandas, turismo multiaventura, turismo cultural, vitivinícola, termal e descanso.

O Concello ofrece múltiples oportunidades para o seu aproveitamento. Un dos principais compromisos desta corporación é completar en todos os núcleos do concello a rede de saneamento e abastecemento de auga. Avanza Pantón ve esencial manter a praza do terceiro médico e a contratación polo menos 1 día á semana dun pediatra no centro de saúde. Puntos tales como a creación dun servizo de protección civil e un punto de teleasistencia para persoas mayoras, están dentro do noso programa.

Jaime González candidato de Avanza Pantón

ÚLTIMAS

Afra Blanco: “A Feira do Viño de Quiroga é a primeira festa que descubrín de Galicia”

Afra Blanco, que fora portavoz da sección xuvenil da UGT e hoxe responsable de...

Sinistro de circulación en Chantada

Segundo informou o 112, o persoal do Servizo de Urxencias Sanitarias de Galicia-061 foi...

A Deputación esixe á Xunta o remate urxente da estrada de Folgoso do Courel derrubada hai dous anos

A Deputación de Lugo esixe á Xunta de Galicia medidas urxentes para axilizar e...

O Club Quixós participa estes días na 2ª Copa de España de Eslálom Olímpico

O Club de Piragüismo Quixós, de Monforte, chegou con dez deportistas a terras catalás...