HomeOpiniónRoberto Prado: A campaña do PP é unha relatoría de promesas incumpridas...

Roberto Prado: A campaña do PP é unha relatoría de promesas incumpridas doutras lexislaturas

As declaracións efectuadas en campaña polo candidato do Partido Popular á Alcaldía de Pantón, son simplemente unha relatoría de promesas incumpridas doutras lexislaturas que leva gobernando e unha infinidade de xustificacións sen ningunha credibilidade.

Publicado o

POR
Roberto Prado, candidato á alcaldía polo PSOE de Pantón
- Advertisement -

Primeiro refírense á construción dun polígono industrial que se anunciou cando Francisco Cacharro gobernaba a Deputación de Lugo, non din a verdade cando din que están comprados os terreos, só fai falta consultar o catastro para ver que non se chega nin ao 50 % do necesario e o Goberno de Cacharro non deixa partida orzamentaria para seguir a comprar máis terreos e por suposto tampouco deixa partida para executar o proxecto.

Se como afirma vai executar agora, hai que lembrarlle que leva 3 lexislaturas con maioría absoluta co Partido Popular na Xunta e nalgún tempo tamén en Madrid, que non se fixo nada para sacar adiante este proxecto

No relativo ás residencias de maiores benvido sexa o acordo cunha Fundación para executar dous proxecto de residencias, máis o convenio asinado coa Deputación de Lugo. O alcalde do Partido Polular segue a esquecerse que leva 3 lexislaturas gobernando e que cando era o responsable de urbanismo votou en contra da idoneidade dunha parcela que agora acepta de bo gusto. Podemos seguir falando do plan urbanístico ou do saneamento, traídas de auga sen terminar, etcétera

De todos os xeitos o máis grave é que era o PP e o actual alcalde os que gobernaban no concello e son os máximos responsables de que non se executarán os proxectos ou non se terminarán en condicións. Nas mans das/os veciñas/os de Pantón está reverter esta situación .

Saúde e liberdade.

ÚLTIMAS

Monforte celebra o 27 de xuño a Gala do Deporte 2024

Unha vez finalizado o prazo de inscrición o pasado 29 de marzo, foron 34,...

Feira de Artesanía e Produtos Lucenses, o 22 de xuño na rúa Cardenal de Monforte

A actividade enmárcase dentro da programación de E para vivir Lugo. Na rúa Cardenal...

Alumnado de primaria do CEIP Xoán de Requeixo amosa en debuxos a súa visión do Folión de Carros

Rapazas e rapaces deste centro de ensino elaboraron carteis nos que tiñan que recoller...

Conta atrás para o San Xoán de Sarria

Paseniño, paseniño, vanse achegando as Festas Patronais de San Xoán de Sarria, unha celebración...