Bienquerido compañeiro Presidente: Recibo con enorme sorpresa e preocupación a túa carta aberta sobre o período de reflexión en relación coa túa continuidade como Presidente do Goberno de España.

Son consciente do difícil que é soportar as mentiras, falsidades e manipulacións que a dereita está a levar a cabo sobre a túa persoa e a túa familia, o que é difícil soportar no día a día.

Teño que pedirche que fagas un novo esforzo de resistencia para evitar que os embarradores cheguen ao Goberno de España sen merecelo. Lémbroche que Feijóo chegou en 2009 ao Goberno da Xunta de Galicia fundamentando a súa campaña en dúas mentiras:

• Que Touriño comprara un coche oficial blindado moi caro.
• Que o Conselleiro Méndez Romeu comprara unhas cadeiras moi caras para a súa Consellería supoñendo un malgasto.

Hai múltiples casos de investigación ou imputacións sobre cargos socialistas que ao final foron absoltos ou arquivados, non podendo recuperar os seus cargos, o que supón unha inxustiza maiúscula.

Por favor, non caias no mesmo erro, pídocho por favor. Contas co meu humilde apoio para que sigas mellorando a vida dos españois, con novos dereitos, mellorando a economía e poñendo a España no lugar internacional que merece.

Sabendo o difícil que é esta situación debes continuar liderando un Goberno exemplar.

Un abrazo enorme. José Tomé.