InicioPolíticaEn Marea reivindica en Monforte un ferrocarril público e social

En Marea reivindica en Monforte un ferrocarril público e social

A candidata ao Senado por En Marea, Emma Rodríguez, e o candidato número 4 ao Congreso, Iván López, así como a Deputada de En Marea Paula Vázquez Verao, veñen de reunirse coa Plataforma ferroviaria "Neste tren cabemos todas", para transmitirlles o apoio ás súas reivindicacións.

Publicado o

- Advertisement -

As candidatas de En Marea comprometéronse a esixir que o novo goberno saído das eleccións do 28 de abril cumpla, nos primeiros seis meses, coas reivindicacións máis urxentes da Plataforma. Consideran fundamental, aumentar o persoal no taller de Renfe, “Hai unha intención clara de desmantelamento do taller, e non o imos permitir”, sinala Emma Rodríguez. O taller pasou de ter 43 postos de traballo a 13, e precisa ademais un reforzo das instalacións, para evitar ter que reparar máquinas á intemperie.

Outra reivindicación inmediata será o aumento de frecuencias de trens de proximidade, esixen a posta en funcionamento dun tren que saia de Monforte ás 7:15 h para enlazar co Avant que sae para Santiago ás 7:55 h de Ourense, así como unha ligazón de volta co último Avant que sae de Santiago ás 20:30 h e chega a Ourense ás 21:08 h. Segundo En Marea, este novo servizo permitiría á mocidade e ás persoas en xeral estudar ou traballar en Santiago ou Coruña sen ter que vivir alí.

Tamén entenden como prioritarias a mellora da accesibilidade e instalacións da estación de FFCC de Monforte dende o punto de vista das persoas con mobilidade reducida e da seguridade, e a supresión dos pasos a nivel na cidade de Monforte.

Estas reivindicacións tamén serán rexistradas no Parlamento de Galicia para que a Xunta inste ao Goberno do Estado a comprometerse con elas.

ÚLTIMAS

Sinistro de circulación en Chantada

Segundo informou o 112, o persoal do Servizo de Urxencias Sanitarias de Galicia-061 foi...

A Deputación esixe á Xunta o remate urxente da estrada de Folgoso do Courel derrubada hai dous anos

A Deputación de Lugo esixe á Xunta de Galicia medidas urxentes para axilizar e...

O Club Quixós participa estes días na 2ª Copa de España de Eslálom Olímpico

O Club de Piragüismo Quixós, de Monforte, chegou con dez deportistas a terras catalás...

O IES Daviña Rey e o CEIP Plurilingüe Monte Baliño contarán con Clubs de Lectura nas Bibliotecas

Un total de 431 centros escolares, 53 deles de nova incorporación como serán o...