Os populares recoñecen que os resultados, na cidade do Cabe, das pasadas eleccións xerais non cumpriron as expectativas do PP, polo que aseguran “tomar boa nota” da decisión dos veciños e veciñas, “traballamos para recuperar a confianza da cidadanía”, precisa a candidata.

Katherinie Varela explica que a súa candidatura e o partido se puxeron mans á obra para ofrecer o mellor programa e o mellor proxecto de futuro para gobernar Monforte os vindeiros 4 anos.

Co obxectivo de recuperar a confianza da cidadanía e co propósito de seguir adiante co proxecto dos populares, celebrarase unha reunión da candidatura con afiliados o vindeiro xoves, día 2 de maio, na sede dos populares monfortinos, na Rúa Huertas, a partir das 20:30 horas. A esta reunións seguiranlle unha serie de encontros con afiliados, simpatizantes, asociacións e coa cidadanía de Monforte de cara a explicarlles o programa co que concorrerán ás eleccións.