Juan Carlos Armesto encabeza a candidatura do PP no Saviñao que reúne a un total de 21 veciños e veciñas. Trátase dunha lista “continuista” que conta cos seis concelleiros que forman o actual equipo de Goberno. Aseguran os populares que a súa candidatura reúne experiencia e renovación “está integrada por xente procedente de distintos sectores e moi vencellados ao rural”.
De cara aos vindeiros catro anos o programa electoral do PP para O Saviñao céntrase, segundo sinalan, na mellora das infraestruturas, o emprego e os servizos sociais, tendo en conta aos máis novos e prestando especial atención aos servizos no rural. Os populares do Saviñao darán a coñecer nos vindeiros días as propostas concretas aos seus veciños e veciñas.
Candidatura
- Juan Carlos Armesto Quiroga
- Joaquín González González
- María del Carmen Expósito González
- Beatriz Rois Castro
- Jorge Eugenio Rodríguez Álvarez
- José López Díaz
- Sonia García Rodríguez
- Mª Jesús Sánchez López
- Jorge Rodríguez Rodríguez
- Miguel Teijeiro Rodríguez
- Raquel Amorín Rodríguez
Podemos
Podemos presenta alternativas ao que consideran a falta de atractivo económico do Concello do Saviñao e perda de poboación. Califican a situación do P.I. de Escairón de estancamento e propoñen axudas públicas neste ámbito e axudas para que os empresarios poidan rendabilizar o seu negocio, así como melloras nos servizos públicos como o transporte.
Como outra vía de acción para o concello sinalan a reactiviación empresarial da horta de Seteventos. Esta planta fotovoltaica iniciada en 2008 segue inactiva en canto á produción. Podemos cre que o concello debe de implicarse e buscar alternativas para finalizar as obras, e concretar a produción de enerxía; “barallando como última opción, a recompra deste proxecto a un xusto prezo por un gran grupo enerxético.”
Podemos O Saviñao estima necesario revitalizar tanto o turismo como o comercio local, dentro dun amplo consenso e que se reflexione sobre “a idea de tramitar a candidatura do Saviñao como municipio de interese turístico”.
Como outra pista de reflexión e vía de solución para o rural, destacan a promoción da agricultura ecolóxica. Algunha empresa do Saviñao produce viños ecolóxicos “ante a forte demanda crecente e esixente de consumidores locais, nacionais e europeos”. Segundo Podemos, este tipo de iniciativa merece trasladarse a outros tipos de bens agrícolas. Podemos O Saviñao lamenta que os alcaldes da Ribeira Sacra Ribeira Sacra non aposten máis por esta forma de produción agrícola, “coa súa necesaria concentración parcelaria para mellorar os rendementos.”
