Ademais de comprometerse no remate do saneamento para todo o Concello de Pantón, José Luis Álvarez sitúa a aposta pola viticultura, a agricultura ecolóxica e o turismo como principais eixos de actuación no programa de goberno se renova a confianza de veciñas e veciños tras as eleccións do 26 de maio.
Destaca o candidato popular así mesmo que “tan só faltan rematar dúas traídas de auga en todo o municipio. De feito, unha xa está contratada e a outra témola a punto”, destaca.
Como proxectos a continuar fala do fomento da produción ecolóxica, sinalando que xa se ten impulsado dende a entidade local a plantación de 20 hectáreas de arandos e fresas, produtos de gran interese no mercado. E lembra tamén que o concello conta coa distinción de Interese Turístico Galego o que significa que a aposta polo turismo é clara e seguirán mellorando os elementos arquitectónicos “para facelo aínda máis atractivo” como se ten feito co mosteiro das Madres Bernardas.
En canto ao resto da candidatura, 3 son as caras novas e esta é a formación completa:
- José Luís Álvarez Blanco
- Tamara López Rodríguez
- José Vázquez Presas
- Manuel López Rodríguez
- María Cristina Domínguez Vázquez
- José Cesáreo Rodríguez Salgueiro
- Marta López Pérez
- Diego Pérez Camba
- Ana González Palacio
- David de la Fuente Rodríguez
- Marcos López Moure
Suplentes
- José Manuel Vilariño Rodríguez
- Antonio Sánchez Somoza
- César Rodríguez Pedrido
- José Ramón Losada Fernández
