Camiña Sarria, a candidatura encabezada polo exalcalde socialista Claudio Garrido, irrompeu con forza nestas eleccións municipais tras conseguir seis concelleiros e o 29% dos votos. Con todo, a gobernabilidade da localidade dependerá de pactos difíciles.

Pilar López, a actual alcaldesa, baixa de catro a dous edís e deixa case 1.000 votos polo camiño. Garrido, enfrontado co PSOE non contará co respaldo do seu expartido, polo que a gobernabilidade de Sarria seguirá sendo moi difícil.

O PP baixou un e quedou con seis co 24,7% dos apoios. O empate chegou a última hora, pois Camiña Sarria cedeu unha acta que foi parar aos populares. O BNG mantén os seus dous edís e Galicia Sempre, a formación impulsada por Manuel Martínez, saca un.