O Concello da Pobra do Brollón decidiu gravar en audio os plenos municipais co obxectivo de facilitar a todos os veciños acceder ó que seus representantes debaten en cada sesión.

Este novo servizo, que comeza dende agora a funcionar, está dispoñible na nova páxina web do concello na que tamén se pode consultar a normativa municipal, contratos e subvencións. Con esta iniciativa preténdese que cada veciño coñeza o que fan os seus responsables políticos, como traballan e que aportacións fan para a mellora da vida municipal. Con esta proposta ábrese a administración municipal co obxectivo de de seguir avanzando en transparencia.