HomePolíticaMaite Ferreiro e Efrén López, na asemblea comarcal do BNG Lugo-Sul

Maite Ferreiro e Efrén López, na asemblea comarcal do BNG Lugo-Sul

Os deputados provinciais nacionalistas visitaron esta delegación territorial para dar conta do seu traballo na Deputación de Lugo e escoitar as inquedanzas da militancia. Outro dos puntos da orde do día foi avalar a candidatura de Ana Pontón para as vindeiras eleccións autonómicas.

Publicado o

- Advertisement -

O BNG Lugo-Sul celebrou este 13 de decembro unha asemblea comarcal con notable asistencia e dous temas importantes a tratar: un foi votar a candidatura de Ana Pontón de cara ás vindeiras eleccións autonómicas e o outro ter un encontro con Maite Ferreiro e con Efrén López, dous dos tres deputados/as que ten a formación nacionalista na Deputación de Lugo.

A única candidatura que se presentou nesta Comarca foi a de Ana Pontón. Estivo defendida polo chantadino Iago Suárez e foi votada por unanimidade da militancia presente no local social onde tivo lugar a asemblea.

No outro punto, relativo ao encontro con parte do grupo provincial do BNG na Deputación de Lugo -Maite Ferreiro e Efrén López-, foi interesante escoitar como estes daban conta ás/aos presentes das negociacións e actuacións que están levando a cabo estes primeiros meses de co-goberno no ente provincial. A continuación destas declaracións houbo participaron dos/das militantes con preguntas sobre aspectos concretos da gobernanza co PSdG, suxestións e traslado de necesidades da contorna para que se teñan en conta.

A visita dos deputados provinciais foi a primeira dende que están no organismo provincial e forma parte dun compromiso de visitar todas as delegacións provinciais cada certo tempo.

ÚLTIMAS

27 de xuño de Portas Abertas no servizo de atención temperá de Quiroga

Dende o Servizo de Atención Temperá tiveron a iniciativa de reunir a todos/as os...

Monforte acolle o Campus Internacional Ucraíno de Verán de Ximnasia Rítmica do 24 ó 28 de xuño

O programa de contidos do Campus contará con sesións de aprendizaxe, masterclass internacional e...

“Nin un só día sen médico e unha lei de alta montaña”, pide Courel Vivo ao pleno

O concello do Incio está situado nunha zona de montaña cunhas intensas características orográficas...

O Colectivo Vermut ‘ao rescate’ do San Xoán dos Chaos, en Monforte

Moitas celebracións populares van a menos, e incluso pérdense, por falta de relevo xeracional....