InicioPolíticaO PP insta a Tomé a tomar medidas coa piscina municipal de...

O PP insta a Tomé a tomar medidas coa piscina municipal de Monforte

Os traballadores que se encargan da piscina municipal de Monforte concentrábanse esta semana diante das instalacións para reclamar á empresa, Alacer Ocio y Deporte, da que dependen, que abone as mensualidades que lles adebeda.

Publicado o

- Advertisement -

Para o PP é “lamentable que o goberno municipal non fixera as xestións adecuadas para que tal retraso nos pagos non se chegara a dar”. A portavoz popular no Concello de Monforte, Katy Varela, responsabiliza directamente ao alcalde «a media xornada», José Tomé (PSOE), desa falta de xestión.

O PP insta ao goberno municipal a adoptar medidas para garantir no futuro inmediato o funcionamento con normalidade da piscina, un servizo utilizado a diario por numerosos monfortinos.

Varela asistiu á concentración para expresar o apoio e solidariedade dos populares monfortinos aos traballadores, que teñen un par de meses sen cobrar. Segundo o PP, en setembro pasado, o pleno municipal tratou a solicitude da empresa encargada da piscina de restablecemento do equilibrio económico do contrato; “o alcalde considerou entón que aínda non era o momento de que o Concello tomase cartas no asunto directamente”.

ÚLTIMAS

Publícase a declación de utilidade pública e interese social dos polígonos agroforestais de San Xoán de Río e Carballedo

No que vai deste ano, son 7 os polígonos agroforestais aprobados en toda Galicia...

Festa da Xuventude en Chantada este 19 de abril desde as 19:00h

Desde as 19:00h. ás 23:00h. actuarán as charangas Mekanika Rolling Band (comeza na Avda....

Sesión informativa sobre cambios normativos que lle afectan ás persoas con dano cerebral

A Federación Galega de Dano Cerebral (FEGADACE) vén de editar unha 'Guía legal' que recolle os principais...

Bóveda e A Pobra do Brollón acollen os actos de ‘conmemoración do combate de Repil’, episodio de represión franquista en Cereixa

O sábado, 20 de abril, terá lugar unha nova celebración dun acto pola recuperación...