No pleno municipal celebrado o día 29 de xuño, o equipo de goberno da Pobra do Brollón presentou unha moción para a declaración de persoas non gratas ós membros da manada, os cinco agresores dunha moza nas festas de San Fermín no ano 2016, que foi aprobada por unanimidade por todos os grupos políticos presentes.

A moción do BNG considera que as corporacións municipais deben de dar un paso máis e poñer o seu gran de area na denuncia desta inxustiza, sumándose por iniciativa propia ó berro cidadán polo caso da manada.

Por outra banda, tamén se aprobou no pleno, o traslado do acordo plenario á representación legal dos cinco condenados e ó representante legal da vítima para que sexa coñecedora do apoio real que ten.