O Concello de Monforte vén de facer públicos dous comunicados nos que informa da suspensión das actividades do Campamento Deportivo de Verán e da Feira no Mercado Gandeiro de Monforte do vindeiro luns día 24 de agosto. A gravidade do gromo de Covid-19 que está afectando á cidade obrigou ao equipo de goberno a tomar estas decisións, de igual xeito que se decidiu cancelar o pasado día 19 a celebración da Feira do Libro.
No que se refire ao campamento de verán, que tan ben estaba a funcionar e no que as medidas de prevención estaban a ser exemplares, a suspensión chega para a última xornada que se ía celebrar mañá venres día 21 de agosto.
Coa devandita suspensión decretada hoxe, dáse por concluída esta terceira e última quenda do Campamento Deportivo de Verán 2020.
