Espertamonforte! envía un comunicado no que insiste en que é o concello o que deixaría de cobrar as taxas, pero non a figura do alcalde e denuncian a personalización que se fai do concello de Monforte no alcalde.

“Desde Esperta xa mostramos o noso desacordo co contido xeral desta páxina xa que entendemos que se utiliza de modo propagandístico ao servizo do rexedor e do seu equipo de goberno, pero sufragada con persoal que traballa para o concello, pero este anuncio merece mención a parte e cremos que dito párrafo ten que ser suprimido para non levar a engano a ninguén”; sinala Esperta.

Espertamonforte! aclara que o alcalde non paga nada do concello “nin facturas, nin a luz, nin ningún gasto que veña facturado ao concello, son os impostos dos veciños os que sufragan estes gastos. Non entendemos a onde se quere chegar con estas informacións, pero en democracia cremos que estas actitudes non son de recibo”.