InicioPolíticaOnde está a participación cidadá no Plan de Ordenación de San Fiz...

Onde está a participación cidadá no Plan de Ordenación de San Fiz de Asma?

O BNG de Chantada bota en falta a participación cidadá na elaboración do borrador do Plan de Ordenación do Medio Físico de San Fiz de Asma.

Publicado o

POR
Redacción
- Advertisement -

A finais do pasado mes de xaneiro aprobábase o Informe Ambiental do Plan para a Ordenación do Medio Físico (POMF) da parroquia de San Fiz de Asma. Desde o BNG de Chantada aseguran que mantiveron diferentes contactos con partes implicadas e realizaron consultas de carácter técnico e xurídico de cara a valorar o documento e establecer canles de información coa comunidade local, “a gran esquecida en todo o proceso ata a actualidade,” afirman.

Piden os nacionalistas mobilizar recursos e tratar de ordenar e coidar o territorio, polo que non pode facerse de costas á comunidade local, “Foron as persoas que traballaron a ribeira as que mantiveron a paisaxe e o medio que agora se di protexer e ningún proxecto de conservación poderá ter éxito sen contar con eles.”  Desde o BNG aseguran que usarán todos os seus medios para favorecer a participación real da veciñanza nas fases que faltan ata a de execución e achegar propostas que consideran imprescindibles para o futuro da ribeira, “facer rendible a viticultura, fomentar un aproveitamento agrícola e  turístico sostibles, protexer o patrimonio cultural e histórico da zona ou valorar e coidar o medio ambiente como algo propio son a chave do nosa proposta.”

Desde o BNG pedirán información á Xunta para trasladarlla a toda a comunidade, “unha planificación desta envergadura non se pode facer de costas á comunidade local, dende os despachos”.

ÚLTIMAS

Últimos días para coñecer a exposición Entroido “Mobiliario Vestido”, na casa da cultura de Chantada

A casa da cultura do Concello de Chantada acolle ata o 30 deste mes...

Literatura, foliada e caldo en Saa, na Pobra do Brollón

Este sábado 30 de marzo á tardiña o Concello da Pobrado Brollón e a...

Afra Blanco: “A Feira do Viño de Quiroga é a primeira festa que descubrín de Galicia”

Afra Blanco, que fora portavoz da sección xuvenil da UGT e hoxe responsable de...

Sinistro de circulación en Chantada

Segundo informou o 112, o persoal do Servizo de Urxencias Sanitarias de Galicia-061 foi...