O BNG de Monforte solicita no pleno deste luns o arranxo da estrada de Reigada ás Fontes ao considerar fundamental ter seguridade no vial, “o que esixe que estea en boas condicións”, sinalan os nacionalistas.

O BNG amosa tamén a súa preocupación pola falta de oferta de solo industrial. Segundo Emilio Sánchez, voceiro nacionalista en Monforte “xa ten feito marchar de Monforte iniciativas empresariais que precisamos porque crean riqueza e emprego e axudan a fixar poboación.” Así preguntarán no pleno cales son os plans do concello ao respecto das parcelas de propiedade municipal que se localizan neste polígono.

O BNg tamén presenta unha moción sobre a realización de rozas para a prevención de incendios.