A renuncia de Julio Álvarez podería supoñer o reparto de 300 € brutos pola asistencia a cada unha das comisións ou sesións plenarias, limitados a dúas asistencias ao mes, agás no caso do rexedor local que percibiría asistencia por acudir ás comisións e aos plenos que se celebren. PSOE e BNG manifestáronse en contra da subida de asignacións e a renuncia queda pendiente das votacións no pleno do venres.
A comisión tamén aprobou o regulamento para a utilización do futuro Cemiterio Civil Municipal. Outro punto aprobado para levar é dar conta do convenio asinado con Vicepresidencia e a Consellería de Presidencia, Xustiza e Turismo para axudar aos autónomos e pequenas empresas que tiveron que pechar o seu negocio con motivo das medidas sanitarias.
Coa firma deste convenio, estes empresarios locais recibirán unha axuda e 1.000€ que complementará as axudas que perciban da Xunta de Galicia e que forman parte do I Plan de Axudas do Concello de Quiroga polo que autónomos e empresarios quedaron libres do pago do recibo da auga e lixo do primeiro trimestre do 2021.